Muling nagpakawala ng abo ang Bulkang Kanlaon sa Negros nitong Linggo, Abril 7. Ayon sa Philippine Institute of Volcanology and Seismology (Phivolcs), umabot sa 1,200 metro ang taas ng ibinugang ash plume na tumagal ng mahigit limang minuto. Hindi ito sinabayan ng lindol, pero pinayuhan ang mga residente na iwasan ang paglapit sa 4-kilometer danger zone.
Sa ngayon, nasa Alert Level 1 pa rin ang bulkan, ibig sabihin ay may mga palatandaan ng mababang aktibidad sa ilalim nito. Ayon sa Phivolcs, kahit mababa ang alerto, puwedeng maganap ang mga biglaang pagsabog na posibleng magdala ng peligro sa mga tao sa paligid.
Pinaalalahanan ang mga residente, lalo na ang mga malapit sa bulkan, na maging alerto, iwasan ang paglabas kung hindi kailangan, at makinig sa mga anunsyo mula sa lokal na pamahalaan. Mas mabuting maagap kaysa magsisi!
Comments
0 comment